Quran or Hadis ke tawatur me farak

Quran or Hadis ke tawatur me farak

📖 Quran ki hifazat ki zimme daari khud ALLAH ne li hai.

Aur iske bare me allah ne kaha ke agar yeh allah ki taraf se na hota toh isme kasrat se tazaad milta.

Aur challenge diya allah ne ke agar shak karte ho toh iske jaisi ek ayat hi bana lao.

Aur jo yeh samajta hai ke isme shakk hai woh ek ayat is jaisi bana ke dikha de yeh challenge allah ne diya hai Qayamat tak ke liye.

📗 Hadiso ke andar kasrat se tazaad maujood hai, koi ek aisa masla nhi hai jisme jhuti baaten na maujood ho, aur koi masla aisa nhi jisme ikhtilaf na mile, aur hadis jiska dill chaha jab chaha Apne Ghar me baith ke nabi saw ki taraf jhut mansub kar diya yaha tak ke hazaro hadiso par mushtamil kitaben gadh li gyi , khud imam Bukhari 1 lakh hadis me se sirf 6 hazar ke aas pass apni kitab me leke aye aur usme bhi ek hi hadis kai bar repeat kiya agar woh bhi count kiya jaye toh shayad 2 3 hazar hadis hoga , yaani ke bas 2 to 3 % . Aur isme se bhi quran ki roshni me dekhege toh yeh percentage aur kam ho jayega.

📖 Quran ki taleem khud nabi saw ne di , padhke sunaya aur katibon ke zariye usko likhwaya aur fir unhe hifz karwaya aur din me 5 namazo me usi quran ki tilawat ki aur har saal ramzaan me uska dohra karwaya sahaba ko dur dur bheja taake is quran ko logo tak pohanchaye.

📗 Hadis ko likhne ya likhwane ka ahtemam khud nabi saw ne nhi kiya , balke jin logo ne isko likhna chaha unhe bhi kaha ke mita do jisne jo likha, uske baad likhne walo ne 100 saal baad hadis jama karna shoro kiya.

Note :- jab hum 100 saal kehte hai toh iska mtlb yeh hai ke takreeban 100 saal , yeh figure 1 2 saal aage peeche ho sakta hai.

📖 Quran ko nabi saw ke zamane se latadaad log hifz ke zariye writing ke zariye qirat ke zariye bina kisi gape ke nasal dar nasal transfer karte arhe hai aur is tarah se yeh ek akeli kitab hai jo muajaza tan hum tak ayi hai aur Qayamat tak aise hi rahegi, duniya me dusri koi aur aisi kitab nhi ,aur isko nasal dar nasal transfer karne walo ki tadaad unlimited hai jisko count nhi kiya jaa sakta. 

📗 Hadis ko tranfer karne waley log nabi saw ke wafaat ke baad paida huvey , aur unlogo ko count kiya jaa sakta hai jisme se zada tar toh kuch specific log hai, aur hadis ki kitab ki sanad toh bas kuch logo ne transfer ki hai jo ke zada se zada 1000 log honge Issey zada nhi honge. Aur hadis ki kitab ke andar hadis ke bayan karne waley toh ussey bhi kam log hai jo ke mostly case me 10 bhi nhi hotay aur usme bhi jhutey log shamil hotay hai yeh baat khud kitabon ke likhne walo ne bayan kar di hai.

📖 Quran me kisi ko shakk nhi ke yeh allah ka kalam hai , chunache quran ki pehle page ki pehli ayat hi *"qaal lallahu tala qaul e rasul hai"*

📗 Hadis ke andar nabi saw baat manusb is tarah se ki gyi hai ke fala ne fala se suna aur fala ne fala ke baap se aur fala ne fala se aur isi tarah se akhir me baat nabi saw ki taraf mansub ki gyi jis baat ke saccha honay ke uske bayan karne walo ke bare me accha gumaan hai ke woh usne sach hi bayan kiya hoga , aur itna bayan karke ke baad bayan karne wala khud kahta hai ke *"au kama qaala rasul allah"* 

Note :- jab hum hadis kehte hai toh koi isko allah ke rasul saw ke alfaaz na samjhe , kyu ke hadis ek urf aam alfaz ban chuka hai isliye samjhane ke liye us word ka istemal kiya gaya hai, warna hadiso ko pehle parkha jayega quran ki Roshni me fir hi uske bare me faisa kiya jayega ke iski nisbat nabi saw ki taraf di jaa sakti hai ya nhi.